Il bant artistic che al domande tecnologjiis ‘lizeris’

Il bant “Richiedo asilo artistico” (O domandi asîl artistic), promovût dal Festival In\Visible Cities-Contaminazioni Digitali e de associazion 4704 al rive al travuart dai dîs agns. Ancje chest an la ‘call’ e vûl favorî la esplorazion des potenzialitâts dal dialic jenfri i diviers lengaçs espressîfs, in relazion ai gnûfs codiçs e modalitâts di comunicazion. Un progjet di rêt, bon di favorî la cressite, la sperimentazion, il dialic cun professioniscj, publics, contescj diferents. I destinataris dal bant a son artiscj singui, ma ancje grups, coletîfs e compagniis, che a podaran presentâ un spetacul, une ‘performance’, une instalazion multimediâl di disvilupâ in residence, intune o in plui di une tape a Vile Manin, Gardiscje e Milan, miôr se doprant tecnologjiis “lizeris” e/o di ogni dì. (A.I.) – 05.02.2024