I studiis di pre Pressacco intun fumet

Martars ai 14, aes 8 e mieze sot sere te sale conferencis de Biblioteche civiche “don Gilberto Pressacco” di Codroip e je in program la presentazion dal libri a fumets “La gnot di Maqor”, une graphic novel di Fiorenzo Innocenti ator de figure e lis ricercjis aquileiesis di pre Gilberto Pressacco. La serade e sarà presentade di Federico Rossi e pre Romano Michelotti, intant che Luca De Clara al dialogarà cul autôr. Il fume al conte une storie inceose, rivant a descrivi cun rigôr storic e teologjic, e tal stes timp cun estri creatîf, i risultâts de ricercjis atrativis fatis di pre Gilberto Pressacco ator de straordenarie origjinalitât de primitive glesie di Aquilee. L’autôr al à la capacitât rare di trasformâ une materie intrigose intune narazion che e cjape dentri, buine di apassionâ ancje lis gnovis gjenerazions. (A.I.) – 13.10.2025