41
Un toc di Lignan al è dentri de decime novesime Bienâl di architeture che si davuelç a Vignesie. Tes salis dal arsenâl dedicadis ae Italie e ae inteligjence dal mâr a son trê plans di ricualificazion pe citât su la cueste furlane: i progjets di place Marcello D’Olivo e dal viâl dilunc dal mâr di Pinede, chel de “Terrazza a Mare” e il Plan dal Vert. Ducj a son stâts sielts par une gnove vision dal ambient che e tache propit dal mâr, cjalant a un avignî sostignibil e inovatîf, bon di valorizâ il rapuart jenfri ambient naturâl e urban, promovint un dialic de tradizion cu la inovazion. (A.I.) – 09.06.2025
