I mosaiciscj di Spilimberc in mostre

Vinars ai 31, aes 6 e mieze di dopomisdì, si scree a Spilimberc “Mosaico&Mosaici”, la mostre de Scuele dai mosaiciscj dal Friûl che si fâs ogni an daspò de fin des lezions e che e sarà vierte fint a Setembar cuntune selezion des miôr oparis creadis vie pal an academic 2025-2026 di amirâ culì. Chescj mosaics a mostrin il lavôr dai trê cors che a cjapin dentri il program di formazion avanzade par mestri mosaicist e a son simpri gnovis parcè che, ancje se lis abilitâts domandadis ai students a restin simpri chês, il mût di imparâlis al pues jessi frontât cun progjets origjinai che a cambiin ogni an e che a ufrissin ai visitadôrs esperiencis diferentis e mai ripetitivis. “ Mosaico&Mosaici 2026” al va indevant fûr dl edifici cuntune mostre dedicade al artist Nane Zavagno (1932-2025), un omaç dai students dal tierç cors. (A.I.) – 30.07.202