I dîs di Vierte dal FAI, il Fonts pal ambient talian, a tornin ancje chest an. Sabide ai 20 e domenie ai 21, tal prin fin de setemane de Vierte, centenârs di lûcs a saran vierts in dute Italie par mostrâ maraveis che dispès a son scuindudis. Par cheste ocasion,la delegazion dal FAI di Udin e colaborarà adun cul gnûf grup dai zovins dal FAI di Udin, intant che i ‘cicerons’ des scuelis secondariis de citât e i students de Universitât dal Friûl a puartaran i visitadôrs a scuvierzi cualchi lûc de citât cun bielecis che si viodin di râr. A saran vierts cetancj spazis: a Udin, il Palaç Antonini Stringher, il Palaç Antonini Maseri e il Palaç Antonini Mangilli dal Torso. In Cjargne, la Carnica Arte Tessile e sarà viert al public a Vile, intant che a Tor di Zuin a son in program visitis te centrâl termoeletriche de Edison e tes culinis di Iplis di Premariâs si pues viodi la Roche Bernarde il cjistiel vile dal diesim sest secul. (A.I.) – 20.03.2026
Foto di G. Antoniali
