I cuadris dal Imperadôr a tornin tal cjistiel

Lis oparis di Massimilian di Asburc a tornin inte colezion dal cjistiel di Miramare, là che martars ai 10, aes 10.30 di buinore, si scree “Ritorni”: cun cuatri pituris dal decim setim secul, che a fasin part dal cûr plui antîc de colezion dal Imperadôr austriac. Par agns, i cuadris a son stâts dentri dai dipuesits de Sorintendence a Triest fint a vuê, cuant la diretore dal Museu, Andreina Contessa, e à volût tornâ a puartâju dal lôr puest, stant che a son une testemoneance impuartante par tornâ a ordenâ la racuelte di art di Massimilian e Carlotta. (A.I.) – 09.06.2025