I cincuante agns de “Pimpa” di Altan

Ai 13 di Lui dal 1975, tal “Corriere dei Piccoli” e vignive fûr la prime storie cu la Pimpa, la cjanute blancje e rosse ideade e dissegnade di Francesco Tullio Altan, l’autôr di Aquilee che daspò di 50 agns de chês pagjinis, “Pimpa e la luna”, al scree te sô citât une mostre dedicade a une icone de leterature pai fruts. “Buon compleanno Pimpa!” al è il titul de mostre za vierzude a Març a Bologne, là che e je tacade la lungje fieste, e che a Aquilee si podarà viodi tai spazis de scuele Manzoni, te biblioteche e dal parc zûcs fint ai 13 di Setembar. Po dopo, la mostre di un dai personaçs plui famôs dal dissegnadôr – un dai plui grancj e preseâts de storie dal fumet talian – e rivarà ancje a Udin, te glesie di S. Francesc. (A.I.) – 14.07.2025