I artiscj si confrontin cul public

Si intitule “Arte in gioco, il gioco dell’arte” la mostre che si scree joibe ai 5 li de Cjase de Confraternite dal Cjistiel di Udin. Promovude de associazion Play Art in colaborazion cul Comun di Udin, rivade ae novesime edizion, si fâs zûc de art e e domande a sîs artiscj – doi fotografs, doi pitôrs e doi scultôrs – di intervignî par condividi la lôr idee di art cul public, Il progjet, viert fin ai 29 di Otubar, al previôt un incuintri, un confront e un dialic cul public, clamât a analizâ, aprofondî e dibati ce che al è proponût di Calogero Condello, Jan Dostal, Pavel Hogel, Franco Martelli Rossi, Stefano Tubaro e Lorenzo Vale. (A.I.) – 04.10.2023