I arbui al centri di une mostre (e di dut)

Tal cjistiel di Dartigne sabide ai 6 si scree la mostre “Alberi tra cielo e terra e tra terra e cielo” (Arbui jenfri cîl e tiere e jenfri tiere e cîl”), dedicade a une valorizazion diferente des plantis. Vierte fint ai 28 di Setembar, la esposizion e presente lis oparis di cuatri artistis che a vevin za presentât i lôr lavôrs l’an passât tal cjistiel di Ruvigne. Par Antonella Oliana e Maria Grazia Renier di Udin, Michela Sbuelz di Tresesin e Antonella Ongaro (Triest), il Mont des plantis al pues dânus un esempli par chel che al rivuarde i principis de pâs, de colaborazion, de avualance, daûr di ce che a disin ancje i esperts. Par esempli. Stefano Mancuso, che al fevele fintremai di organizazion sociâl intune sorte di “cjarte dai dirits des plantis”. La mostre di Dartigne e presente ancje il video “Albe di risveglio” di Sabrina Marangone e une opare che e sarà completade cui messaçs dai visitadôrs. (A.I.) – 04.09.2025