66
Ultins apontaments inmaneâts dal Comun di Udin inte suaze de Zornade de Memorie. Vinars ai 26 aes 5.30 dopomisdì in Sale Aiace, Tiziana Menotti e Fiammetta Bonsignore a presentaran il libri “Ci sarà ancora domani questo cielo?” (Doman saraial ancjemò chest cîl?), che al fevele di infanziis pierdudis e cjatadis e al conte dîs storiis veris di fruts ebreus tra Italie, Cecoslovachie, France e Gran Bretagne intai agns des leçs raziâls e des deportazions. Miercus ai 31 di Zenâr, simpri aes 5.30 dopomisdì e intal stes puest, Valerio Marchi al provarà a contâ la vite de comunitât ebraiche in citât cun “Ebrei a Udine tra Otto e Novecento” (Ebreus a Udin tra Vot e Nûfcent). (A.I.) – 25.01.2024
