Viert ai 27 di Jugn il viaç te memorie visive dal passât a Gurize, tal palaç Attems Petzenstein, cu la scree de gnove mostre “Italia Settanta” dedicade ae art, mode e design tai agns Setante, cul sottitul “La medisine de creativitât”. La esposizion promovude de Erpac e rive daspò di chês dedicadis ai agns ’50 e ’60 e e je leade al progjet de Galarie “Spazzapan” di Gardiscje, “FVG Settanta. Arti visive in Friuli Venezia Giulia negli anni ’70”, dedicade ai artiscj di chei agns nassûts achì, intune crosere des avanvuardiis. Al centri de mostre di Gurize, il dialic jenfri i diferents lengaçs de creativitât, massime te mode, cun cualchi toc fûr dal ordenari in esposizion: par esempli, il gaban sculture di Roberto Capucci, la innomenade “poltrone Joe”, lis lampadis di Ettore Sottsass e vie indevant Joibe ai 2, e tache ancje il program, di events leâts ae mostre: une ufierte al public di savê alc di plui ator dai temis e i protagoniscj di chei agns. Il prin apontament al viodarà protagoniste Anna A. Lombardi, storiche, esperte e critiche dal design, che e contarà lis esperiencis des aziendis plui impuartantis, massime in Friûl-Vignesie Julie, prime di une visite vuidade. (A.I.) – 01.07.2026
Foto di L. Vitale
