Hemingway a Lignan, ma dome la sô pene stilografiche

I atôrs Fabiano Fantini e Massimo Somaglino, compagnâts de ghitare di Denis Biason, a daran vôs in forme di leture seniche ae conte La stilo di Hemingway, voltade par furlan di Stefano Montello partint da la scriture origjinâl par talian di Pietro Spirito La penna di Hemingway, che si ispire ae storiche visite dal famôs romanzîr Ernest Hemingway a Lignan, ai 15 di Avrîl dal 1954. La produzion dal Teatri Stabil Furlan e de ARLeF – Agjenzie Regjonâl pe Lenghe Furlane, cu la poie di Associazione Lignano nel Terzo Millennio, a sarà presentade vinars ai 2 di setembar aes 6.30 sot sere al Palapineta di Lignan. Protagoniscj dal test, che si môf jenfri ‘noir’ e monolic interiôr, un naratôr cence non, passionât di penis stilografichis, e un ciert Samuel che al dîs di vê  une pene stilo apartignude a Hemingway: une Parker dal ’51.  (A.I.) 25.08.22