“GO!2025”: al tache il cont par ledrôs

da Andrea Ioime

Al tacarà joibe ai 8 il grant cont par ledrôs viers “GO! 2025 – Capitâl Europeane de Culture”: Nova Gorica – Gurize si preparin a celebrâ, cun dute une zornade di iniziativis cence confin, la date simboliche, viodût che ai 8 di Fevrâr dal 2025 e sarà chê uficiâl di principi dal an European de Culture jenfri Slovenie e Italie. Il dì, no par câs, al è ancje chel de muart dal grant poete sloven France Prešeren e chel di nassite di Giuseppe Ungaretti. Joibe ai 8 a Nova Gorica e a Gurize a saran “cercis” des propuestis che a son daûr a preparâ i organizadôrs, tacant aes 10 di matine in Place Transalpine/Trg Evrope, di dulà che a scomençaran lis visitis vuidadis cul bus, proponudis in lenghe slovene e taliane. Dopomisdì, apontaments pai students cun esperts e l’omaç a Ungaretti e a Prešeren, cuntune selezion di leturis de lôr opare. (A.I.) – 06.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui