Gnûfs talents dal documentari cun “Docs Fest”

Seconde tape a Pordenon par “Itineranze Doc”, il program di formazion dedicât ai gnûfs talents dal documentario talian, promovût di sîs dai plui impuartants festival dal documentari in Italie: un di chei al è Pordenone Docs Fest, che adun cun Cinemazero al puarte in citât fint ai 4 di Lui cualchi zovin talent e i specialiscj plui impuartants, par un percors di formazion che al cjale al avignì. I sîs progjets selezionâts si confrontaran in cuatri dîs di formazion, laboratoris, proiezions, lezions un par un o in grup, pe valorizazion dal gnûf cine ‘dal reâl’ in Italie. (A.I.) – 30.06.2025