Gnovis lenghis de art cui zovins de regjon

Un gnûf impegn par promovi e miorâ il lavôr dai zovins artiscj e lis zovinis artistis di chenti, cul fin di promovi la cussience e la difusion des lenghis de art contemporanie. Cheste e je la premesse dal progjet di mostre “Dittico FVG. Art Booster”, promovût dal CICP, il Centri pes Iniziativis Culturâls di Pordenon, adun cu la Universitât dal Friûl. La mostre si vierzarà sabide ai 14 te Galerie “Sagittaria” di Pordenon. Cheste tierce edizion, la ultime di une prime serie, e presentarà lis oparis de cubie Boscolo / Rossetto e di Sara Devetta. Doprant mieçs diferents – instalazions di sunôrs e lûs di une bande, piture di chê altre – a condividin une riflession sul teme de lûs e un voli atent su la realtât de vite di ogni dì. Sara Devetta si è laurede te Scuele di Art a Cordenons e cumò e je iscrite ae Academie des Bielis Artis a Vignesie. Giovanni Boscolo (Udin, 2000) e Giona Rossetto (Triest, 2000) a àn scomençât une colaborazion fate di oparis sonoris, video art, instalazions, grafiche e fotografie daspò che si son diplomâts tal “Sello” di Udin. (A.I.) – 13.02.2026