Glesie Furlane e regale lis flabis di Esopo voltadis di pre Beline

A son plui o mancul un centenâr lis copiis di “Lis Flabis di Esopo” che la associazion Glesie Furlane, in ocasion dal Nadâl 2022, al à fat vê aes bibliotechis dal sisteme regjonâl. Un regâl a ducj i abitants de region, ma ancje un mût par lassâ un segn tangjibil di ce che al veve fat pre Pier Antonio Belina pal furlan. Il libri, voltât di pre Beline, al è stât dât fûr in seconde stampe tai mês passâts, dopo 45 agns de prime publicazion. E je une opare volude di Pre Beline e dedicade ai furlans, voltade intai agns de sô permanence in Cjargne, dulà che al insegnave tes scuelis elementârs. La gnove edizion e je stade ilustrade di Elisabetta Ursella, che e à volût interpretâ lis 90 contis, cun plui di 60 protagoniscj, tant che une galarie di ritrats. (A.I.) – 21.12.2022