Gian Mario Villalta al à vinçût il premi intal non di Dante

Il diretôr artistic dal ricognossiment “Alloro di Dante” Paolo Gambi e il diretôr dal Centri fantesc dai francescans conventuâi di Ravenna, pre Ivo Laurentini, a àn anunziât i vincidôrs dal “Alloro di Dante” pal 2025, il premi internazionâl nassût par mantignî vive la memorie, la tradizion e la ereditât di Dante Alighieri. Daspò dal sucès de edizion 2024, cul Premi Nobel Jon Fosse, chest an si è decidût di ampliâ lis categoriis di premiazion: no dome che un grant poete, ma ancje altris personalitâts che a incjarnin il spirt e la tradizion dantescje. I vincidôrs dal “Orâr“ 2025 a son si che duncje il cjantautôr roman Pierdavide Carone  e Gian Mario Villalta, poete e scritôr di Pordenon, dal 2002 diretôr artistic dal festival “pordenonelegge”. La cerimonie di premiazion si tignarà sabide ai 22 inte Basiliche di S. Francesc a Ravenna, dongje de tombe dal Poete. (A.I.) – 12.03.2025