Genovesi al conte la sô passion pal ciclisim

Il program dal Istât dal Teatri “Verdi” di Pordenon al va indevant miercus ai 8 te Sale Palco cuntun dai autôrs talians plui preseâts dai ultins agns: Fabio Genovesi, scritôr, naratôr e une des vôs plui origjinâls de leterature contemporanie. Genovesi al è il protagonist dal secont apontament dal program di “Miercus al teatri” cun “Tutti primi sul traguardo del mio cuore” (Ducj prins sul travuart dal me cûr). La storie teatrâl, nassude de grande passion dal autôr pal ciclisim, si mude intune storie di personis, insiums, faliments e di chê umanitât che e compagne ogni viaç. Il Zîr de Italie al devente la metafore di une narazion là che la gare e je dome il pont di partence par ce che al sucêt ator, daûr e dongje dai campions che a corin traviers des stradis dal Paîs. (A.I.) – 07.07.2026