Francesca Michielin sul palc, ma cul so prin romanç

Anunziât bielzâ in Istât pe 23e edizion di Pordenonelegge, al è stât rimandât a joibe ai 15 l’incuintri cun Francesca Michielin al Auditorium di Sant Vît dal Tiliment, dulà che al jere stât programât in origjin inte suaze dal festival ‘slargjât’’ sul teritori. La cjantante e presentarà il so esordi inte leterature, il romanç “Il cuore è un organo”, in dialic cun Valentina Gasparet, curadore di Pordenonelegge. E je la storie di une cjantautore di pôc plui di vincj agns, ma ancje di une viele glorie de musiche lizere: un romanç dut al feminin che al vierç un gnûf cjapitul tal mont de artiste. (A.I.) – 14.12.2022