Fobiis, depressions e melancolie di vuê: al spieghe dut Recalcati

Il psicanalist Massimo Recalcati al rive ae Universitât dal Friûl, dai 15 ai 17 di Març, par un seminari su “Il paradigma securitario e le nuove melanconie”. La cunvigne, vierte al public su prenotazion in rêt (https://goto.uniud.it/to/84), si tignarà inte aule “Strassoldo” in vie Tomadini di miercus a vinars e e jentre intai seminaris di estetiche tignûts di Luca Taddio, inte suaze dal cors di lauree in Filosofie e trasformazion digjitâl. Al centri dai incuintris il studi de figure cliniche e sociâl de ‘neo melancolie’, fondamentâl par decifrâ il nestri timp. “La euforie de globalizazion, cori masse par nuie e il cult dai marcjâts a son finîts – al spieghe Recalcati –. Cumò a son plui impuartants la sigurece e la protezion, e chest al puarte a fobiis sociâls, depression, segregazions, neo melancolie”. (A.I.) – 14.03.2023