Floramo e Tomada: i scritôrs si presentin a clâr

Martars ai 26 tes vignis dal Monasteri di Sante Marie in Val a Cividât, aes 8.30 sot sere si davuelç il prin apontament di une gnove rassegne inmaneade dal Assessorât comunâl ae Culture: “A tu per tu”. E sarà une lungje conte, lontane de confusion di ogni dì, un pas indaûr par tignî di bande un spazi pe ativitât dal scritôr, par disvelâ il misteri, lis delusions e la passion dal at creatîf. I prins ospits a son i scritôrs Angelo Floramo e Walter Tomada, che si confrontaran par contâ cemût che a doprin la peraule, lassantsi viodi a rût e a clâr dal public di passionâts di libris. (A.I.) – 25.08.2025