Fieste pai fruts al PAFF! pe gnot dai muarts

Il PAFF! di Pordenon al vierç lis puartis ai fruts cu lis lôr fameis par une fieste mostruose pe gnot dai muarts, domenie ai 30 di Otubar des 5 aes 8 dopomisdì. Il Palazzo Arti Fumetto Friuli al invide a passâ cualchi ore cun mascaris a teme, ma ancje cu la oportunitât di visitâ “Attenti al lupo”, la mostre di Tony Wolf, un dai dissegnadôrs plui famôs pe infanzie, tal scûr, judâts de lûs di une torce, e di fâ la proprie mascare pe gnot dai muarts. La fin de setemane e cjape dentri ancje lis visitis vuidadis ae mostre di Will Eisner, un dai autôrs di fumets plui innomenâts di ducj i timps, sabide ai 29 e domenie ai 30 aes 4 dopomisdì, cun Riccardo Pasqual che al mene il public ae scuvierte des 180 taulis di dissens origjinâls e 126 publicazions di epoche. (A.I.) – 27.10.2022