Fieste de poesie a Duìn par 400 zovins

A saran plui o mancul 400, poetis, dramaturcs e students cui lôr acompagnadôrs che a vegni di mieç Mont, i zovins che a rivaran a Triest pe Fieste de poesie e de leterature, programade dai 15 ai 17 di Març in diviers lûcs de citât e tal Cjistiel di Duìn. Cheste e je une edizion speciâl, parcè che a saran premiâts i vincidôrs de vincjesime edizion dal concors internazionâl di poesie e teatri “Castello di Duino”: la competizion par zovins autôrs e autoris sot dai 30 agns, cuntune jurie che e valute lis poesiis scritis inte lenghe mari dai autôrs. Il travuart dai vincj agns al è celebrât cuntune dediche a Gabriella Valera, che e à ideât e inmaneât il concors intun cul so om Ottavio Gruber. La scree vinars ai 15, lis premiazions tes dôs zornadis dopo. (A.I.) – 13.03.2024