Fieste de Patrie, si tache inte Basse

da Andrea Ioime

Primis iniziativis pe Fieste de Patrie dal Friûl inte Basse, inmaneadis cul finanziament de ARLeF – Agjenzie Regjonâl pe Lenghe Furlane e in colaborazion cu la Societât Filologjiche Furlane e cu la cooperative Informazione Friulana. La acuile e tacarà il so viaç de sale civiche di Porpêt, li che vinars ai 22 di Març, aes 8 e mieze sore sere, al vignarà presentât il documentari “Aquilee. La storie di une capitâl”, di Marco D’Agostini e Luca De Clara. Sabide ai 23 di Març, aes 8 e mieze sore sere, te sale parochiâl di Muçane, spazi ae comicitât cun “B.A.R.”, gnove produzion de Associazion Teatrâl Furlane, che e mudarà il palc intune ostarie di paîs. La Fieste de Patrie e va indevant di sabide ai 6 di Avrîl, te glesie parochiâl di Cjarlins, cuntun omaç al compositôr pre Oreste Rosso e ae poetesse Novella Cantarutti e po dopo in altris lûcs, fint al spetacul musicâl “Voie di identitât” di Dario Zampa, ai 20 di Avrîl inte sale civiche di Favuîs. (A.I.) – 21.03.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui