La informazion, ma viodude no dome di une bande, par contâ cuasi dut ce che al è ator, tes vueris ae croniche judiziarie, des disfidis ae profession gjornalistiche fint ae inteligjence artificiâl, de atualitât ae politiche taliane. No dome apontaments par esperts o par cui che al è un professionist de informazion, ma une rassegne par ducj i passionâts, che par cuasi une setemane a cjataran dutis lis gnovis dal presint e dal passât – dai 50 agns dal taramot fint ai 800 di S. Francesc – a Roncjis di Monfalcon. La decime seconde edizion dal Festival di gjornalisim inmaneât de associazion culturâl ‘Leali delle Notizie’ a Roncjis di Monfalcon e je in program di martars ai 9 e fint ai 14 di Jugn cun cuasi 180 ospits sul palc, passe cincuante incuintris, presentazions e laboratoris, 4 mostris e ancjetancj spetacui. E prime di chel, al è stât “Aspettando il Festival”, un calendari siôr di events dai 15 e fint ai 24 di Mai in dîs comuns de provincie di Udin e Gurize, di Aquilee, Flumisel e Çarvignan fint a Gardiscje, Segrât, e vie indevant. Il premi in memorie de vice presidente Cristina Visintini par gjornaliscj zovins al sarà dât tal dì de scree a Silvia Ronco e Maria Selene Clemente, intant che te ultime zornade il diretôr di Fanpage.it, Francesco Cancellato, al cjaparà la novesime edizion dal premi in memorie di Daphne Caruana Galizia. (A.I.) – 08.06.2026
Foto di L. d’Agostino
