Festival de aghe: anteprime cuntune mostre a Roncjis di Monfalcon

Miercus ai 10, anteprime dal “Festival de aghe” cu la inaugurazion di “Fluid*”, la mostre fotografiche di Davide Maria Palusa  a Vile Vicentini Miniussi a Roncjis di Monfalcon. Il dì dopo, la rassegne e tache a Staranzan cun cunvignis, iniziativis par i plui zovins e leturis. Tra i diviers apontaments, ancje l’incuintri “Acqua bene comune”, che al tocje un dai ponts nodâi dal festival: la impuartance e il rûl de aghe tant che ben public. Il Comun di Staranzan al à un leam tant profont cu la aghe: al nas des bonifichis dal teritori e al è l’unic lûc de regjon dulà che si cjatin lis aghis dolcis dal Lusinç, il salmastri de lagune e chês saladis dal Adriatic. Di chi, la sielte di meti l’aur blu al centri di un gnûf festival – nassût di une idee dal scritôr Roberto Covaz – che al proponarà plui di trente apontaments. (A.I.) – 09.05.2023