Fede e eresie te art di pari e fi

Un progjet di mostre a dôs vôs, che al fâs part dal program de trentesime cuinte edizion dal Festival Internazionâl de Musiche Sacre, che al à sielzût come teme “Fede e Eresie”, si davuelzarà tal Cjistiel di Voleson dal 3 di Otubar al 15 di Novembar. La mostre e met a confront la produzion di di dôs gjenerazions: la Fede tes oparis di Giancarlo Magri e la eresie in chês di so fi, Alberto Magri. La mostre, che e je la numar 519 inmaneade dal CICT, il Centri pes Iniziativis Culturâls di Pordenon, e je promovude cul Comun di Voleson e curade di Fulvio Dell’Agnese. In mostre a son uns vincj oparis, cualchidune no viodude prime, creadis doprant tecnichis misturadis su tele, cjarte e panei di len, dongje di dissens e une sculture di arzile dedicade a Domenico Scandella, cognossût ancje cul sorenon di “Menocchio”. (A.I.) – 02.10.2026