Elio Ciol: mostre vierte fint ai 15 a Glemone

Si siere domenie ai 15 tal Cjistiel di Glemone la mostre dedicade a Elio Ciol, “Sguardi nel tempo”, un grant omaç al mestri furlan de fotografie taliane, che al à savût inmagâ, emozionâ e tirâ dentri un public di cetancj passionâts di ogni bande de Italie e ancje dal forest: cuasi cinc mil personis. Aes 3 dal dopomisdì, il fi Stefano Ciol al sarà presint par une visite vuidade di autôr e po dopo si fasarà “Viaç”, un conciert par Elio Ciol par celebrâ il fotograf, par cure di Sabrina Zannier e de associazion Maravee, cu la esibizion di Giovanni Floreani, Emanuele Reverberi e Paolo Simonazzi. (A.I.) – 13.06.2025