31
La Vierte e sarà il teme dal tierç incuintri dai “martedìpoesia”, inmaneâts a Pordenon. In particolâr, cemût che la biele stagjon e cjape vite intal paisaç che si acuarde al umôr des vôs poetichis. La Vierte e da forme ae gjonde eterne dal rinovâsi de vite, inte nature e intes stagjons, buine di crevâ la tiere e savoltâ la muart. A fevelâ, martars ai 2 di Avrîl aes 6 dopomisdì tal Palaç “Badini”, a saran il poete e critic Tommaso Di Dio e il poete Roberto Cescon. Al tiermin dal dialic, a leiaran lis lôr poesiis Alessia Bettin e Giovanna Frene. (A.I.) – 29.03.2024
