Ducj scritôrs tal 2023 cu lis lezions di Pordenonelegge

La Scuele di scriture di pordenonelegge e torne dai 7 di Fevrâr ai 7 di Març dal 2023, su plateforme digjitâl, par ducj i arlêfs, di cualsisedi paîs. La 14e edizion di “pordenonescrive” e je un progjet di 18 oris cun lezions frontâi e laboratoris, par cure dal scritôr Alberto Garlini,il curadôr de scuele e di pordenonelegge, che al sarà docent in teme di struturis narativis. Dongje di lui, il diretôr artistic de rassegne Gian Mario Villalta e i autôrs Viola Ardone, Mario Desiati e Rosella Postorino, che a analizaran lis cuistions di base che un scritôr si cjate a frontâ par scrivi un romanç. (A.I.) – 21.12.2022