La cuarantesime seconde edizion dal Premi Hemingway ei vierç joibe ai 25 a Lignan cun cinc vôs grandis dal pinsîr, de scriture e de art dal nestri timp. I vincidôrs a son il scritôr Niccolò Ammaniti, Premi pe Leterature; il psichiatri Paolo Crepet inte categorie “Aventure dal pinsîr”; La furlane Giada Messetti, autore di saçs e esperte de Cine, te categorie “Lignan pal avignì”; Il scritôr curt turc Burhan Sönmez te categorie “Testemoni dal nestri timp” e Paolo Gasparini te fotografie. Prin de cerimonie di sabide ai 27, condusude di Monica Giandotti, i cinc vincidôrs si presentaran intune schirie di discussions. Cinc dialics che a tachin joibe ai 25 aes 9 sot sere cul fotograf Paolo Gasparini. Vinars ai 26, il program al continue aes 6 e mieze di dopomisdì tal Cinecity cun Giada Messetti e aes 9 sot sere cun Niccolò Ammaniti, invezit sabide ai 27 si scomence aes 11 di buinore cun Burhan Sönmez e si siere aes 5 cun Paolo Crepet. (A.I.) – 24.06.2026
Foto di G. De Lazzaris
