Dopli incuintri cul autôr a Lignan

A Lignan a son tacâts i incuintris “cul autôr e cul vin”, che si fasin tal PalaPineta dal Parc di Pinede: un mosaic leterari che al instrece narative, atualitât, memorie, culture dal teritori e cetant altri, imbinât cul plasê di cerçâ un bon vin ogni volte, ae fin de cunvigne. I ospits dai incuintris – che e van indevant di 28 agns! – vuidâts di Alberto Garlini a son Toni Capuozzo, Mauro e Marianna Corona, Enrico Galiano, Stefano Nazzi, Ilaria Tuti e cetancj altris. Joibe ai 18, il PalaPineta tal Parc dal Mâr al presente un event dopli: si tache cu la presentazion di “Lignano: ti racconto” (Lignano: ti conti), une antologjie metude adun vie pal seminari di scriture creative curât dai Garlini. Po dopo, Ada Iuri e presente “L’albero delle matite” (L’arbul dai lapis), contant lis esperiencis e i ricuarts di une mestre che e à dedicât la sô vite al insegnament. (A.I.) – 17.06.2026