Doman cul Messaggero Veneto il libri “Taramot”

A cincuante agns dal taramot che al à batût il Friûl, ce che al è sucedût in chei dîs e cemût che i furlans a àn savût reagjî al è contât tal libri “Taramot” intes ediculis di doman vinars ai 4 di Setembar adun cul Messaggero Veneto, al presit di 8,90 euros di là dal presit dal cuotidian.

Publicat di Nord Est Multimedia in sinergjie cul setemanâl “La Vôs dai furlans” dal grup Telefriuli e cul patrocini de Arlef, il volum al è stât pensât e scrit dut par furlan e al ten dentri un viaç insiorât di fotografiis, testemoneancis e storiis restadis dentri des pleis de storie, de vilie de tragjedie e fintremai ai nestris dîs. (a.d.g.) – 03.09.2026