Doi grancj inteletuâi furlans sot osservazion

Dôs figuris al centri de culture furlane a saran protagonistis di une zornade di studi a Udin, tal Teatri “San Giorgio”, miercus ai 29 di Otubar. A saressin dôs datis canceladis vie pal Istât par colp dal brut timp, inmaneadis de Pro Loco di Udin. A tacâ des 4 e mieze di dopomisdì di fevelarà di Pietro Zorutti e Catarine Percude, “animis gnovis dal Friûl dal Votcent”. Une cunvigne par capî il valôr e la ereditât di doi inteletuâi che a an segnât la storie e la leterature de societât furlane. A contâ prin di dut il poete Pietro Zorutti (1792-1867) a saran Marco Zoratti, Giovanni Nistri, Daniela Gnesutta e Ennio Zampa. Aes 6 al tacarà il moment dedicât a Catarine Percude, cui intervents di Elisabetta Feruglio e Ennio Zampa, une conte mai pubilcade ma ancje la sô storie di imprenditore agricule a S. Lurinç di Solescjan. (A.I.) – 28.10.2025