Dîs agns di fieste dal libri a Bagnarie

Il storic Carlo Greppi al vierzarà la diesime edizion de manifestazion “BagnAria di Libri”, la fieste dai libris inmaneade de aministrazion comunâl di Bagnarie, cun la sô ultime opare “Figlia mia. Vita di Franca Jarach, desaparecida”. Joibe ai 25, aes 8 e mieze sot sere, tal las Paola Dal Dan te vie de glesie di Privan, il prin dai gnûfs incuintris cul autôr al sarà condusût di Maria Cecilia Rossi. Ai 3 di Lui, Alice Basso e torne cul secont episodi de serie dedicât ae protagoniste Atena Ferraris: “Le ottanta domande di Atena Ferraris.” Ai 9, Enrico Pin al presentarà “L’estate indiana del ’76” di Angelo Floramo, e ai 10 Simone Tempia al sierarà la rassegne cul so zâl dal savôr classic “Gran gala con delitto”. (A.I.) – 23.06.2026