Dialics par un avignì instabil

Intun panorame internazionâl simpri plui instabil e clopadiç, “Open dialogues for the Future” (Dialics vierts pal avignî), il forum promovût de Cjamare di Cumierç di Udin e Pordenon, al torne a Udin joibe ai 5 e vinars ai 6. La citât e devente une altre volte une “sale di leture” pal presint e par une riflession sul avignì, intun moment là che il panorame gjeopolitic al continue a cambiâ a la svelte. Par doi dîs, plui o mancul trente analiscj, studiôs e protagoniscj dal mont economic e istituzionâl a saran clamâts a staronzâ ce che al cambie e cemût i cambiaments a influissin su la Europe e la Italie. Tancj a saran presints Te ex glesie di S. Francesc a sarà une schirie di ospits, colegâts ancje in video: par esempli Vali Nasr, un academic iranian american, che al judarà il public a capî miôr il mont persian. (A.I.) – 04.03.2026