Dialic sul judaisim cun Gad Lerner a Udin

Une des vôs plui autorevui dal gjornalisim talian, Gad Lerner, al rive a Udin. Une figure centrâl de sene culturâl nazionâl, il gjornalist, condutôr pe television e autôr di saçs, al è in program tal Teatri gnûf “Giovanni da Udine” martars ai 20 aes 6 di dopomisdì par un event a jentrade libare cence sore nuie dal titul “Dialic sul judaisim in timp di vuere”. Lerner al sarà compagnât di Milena Santerini, vice presidente de Fondazion dal Memoriâl de Shoah a Milan pal event che al presentarà il so gnûf libri, “Ebrei in guerra”, Ebreus in vuere, un dialic jenfri un rabin e un dissident. Il libri al trate cence platâ nuie lis cuistions che il presint nus da di frontâ: parcè che la storie dal popul ebreu restie centrâl intune ete segnade des vueris? Ce feridis, divisions e riflessions vegnino fûr dal judaisim di vuê? E vie indevant… (A.I.) – 20.01.2026