Di caserme a scuele: la storie dal complès di vie Pradaman

Al dì di vuê e je la scuele “Enrico Fermi”, po dopo a son il cjamp di atletiche, la pissine, une biblioteche. Ma ce vite àno vût i edificis e lis struturis sportivis di vie Pradaman 21 a Udin? A sclarî l’argoment e sarà joibe ai 5 di Jugn li de Ute di Udin, in vie Piemont a Padier, Bruna Zuccolin. La presidente de ANVGD, la associazion nazionâl Vignesie Julie e Dalmazie, comitât di Udin, e à inmaneât un seminari di studi sul complès di vie Pradaman, là che prime de e dopo de Seconde vuere a jerin: la caserme, il convit, il centri pai dispatriâts di là dal confin e po dopo la scuele. (A.I.) – 05.06.2025