Dedica: anteprimis cun autôrs e letôrs

Peraulis, musiche e sene si instrecin tal percors di “Anteprima Dedica”, che dai 16 di Fevrâr e fint ai 6 di Març al puarte il festival in undis comuns de regjon un ancjetancj apontaments a jentrade libare cence sore nuie. Ducj inmaneâts par svicinâsi ae edizion 2025 di “Dedica”, la rassegne inmaneade de associazion culturâl Thesis di Pordenon, propit une “dediche” cetant largje a un grant autôr de leterature mondiâl, che chest an, pe trentesime seconde edizion, al sarà il francês Sorj Chalandon. Curât di Andrea Visentin, “Anteprima Dedica” si conferme tant che un progjet culturâl su dut il teritori, bon di slargjâsi e rinovâsi ogni an. Ducj i apontaments di anteprime a son un percors tai libris e i temis de scriture di Chalandon: la memorie individuâl e coletive, il tradiment e la lealtât, la responsabilitât des sieltis, la vuere e la pâs, soredut te storie de Irlande dal Nord, al centrio di une schirie di siei romançs, dongje dal Liban e des perifariis de Europe. Si tache lunis ai 16 intun dai lûcs “gnûfs”, a Cjase Facca di Vile di Flum, cuntune altre novitât di cheste edizion: la presentazion dal autôr fate – in chest câs cu la vuide di Annamaria Manfredelli – adun cuntun grup di letôrs, “Fiume di libri”. (A.I.) – 16.02.2026