Sorj Chalandon, une des vôs plui fuartis e origjinâls de scriture francese contemporanie, un gjornalist di vuere e cetant premiât autôr di romançs, al sarà il protagonist de trentesime seconde edizion dal festival “Dedica”, programât a Pordenone dai 14 ai 21 di Març dal 2026. Inmaneade a Pordenon de associazion culturâl Thesis e sot la direzion artistiche di Claudio Cattaruzza, la rassegne e je sostignude de regjon F-Vj, dal comun di Pordenon, de Fondazion Friuli e di diviersis entitâts privadis. In graciis dal so formât origjinâl e dal lustri dai autôrs che a son vignûts achì vie pai agns, e je une des plui impuartantis rassegnis culturâls, no dome in Italie. Chalandon al à fat de memorie, dal tradiment e de paternitât lis pieris miliârs di un univiers naratîf che al instrece feridis privadis e grandis tragjediis coletivis. (A.I.) – 17.11.2025
Foto di B. Cannarsa
