De Chirico dal museu al teatri

Il mont artistic e inteletuâl di Giorgio de Chirico al rive sul palc di sene dal Teatri Comunâl “Marlena Bonezzi” a Monfalcon cul spetacul multimediâl “Giorgio de Chirico. La lunga notte” (La gnot lungje), programât par vinars ai 30. La iniziative, pensade de Fondazion Auxilia, curade di Giancarlo Bonomo e produsude in colaborazion cul Comun di Monfalcon, e je colegade ae mostre “La mecaniche dal pinsîr” che e je vierte te Galarie comunâl di art contemporanie. Il spetacul al ufrìs un viaç origjinâl e imersîf inte poetiche dal pari de piture metafisiche: une figure centrâl de Europe dal vincjesim secul. La art visuâl, il teatri, la musiche, la poesie e i struments digjitâi si fondin adun intune esperience culturâl inovative e une vore educative. (A.I.) – 29.01.2026