Dante Spinotti al conte la sô vite intun libri

Al è un dai plui impuartants, innomenâts e premiâts diretôrs de fotografie di simpri. La sô vite e la sô cariere a son stadis un lunc viaç che lu à puartât de Cjargne fin a Hollywood, dulà che, vie pai agns, al à colaborât cun grancj regjiscj a oparis mestris di no podê dismenteâ. Dante Spinotti al conte cumò la sô vite intal libri “Il sogno del cinema. La mia vita, un film alla volta” (“Il sium dal cine. La mê vite, un cine ae volte”), scrit cun Nicola Lucchi, tra incuintris cun stelis e regjiscj che a àn fat la storie dal cine. E po dopo, colaborazions impuartantis, inovazions, sucès e delusions che lu àn puartât a jessi ricognossût intal mont tant che un dai miôr diretôrs de fotografie de nestre epoche. A presentâ il libri, joibe ai 11 aes 7.30 sore sere li dal Visionario di Udin, al sarà propit il cjargnel. Daspò, la proiezion dal cine “Manhunter – Frammenti di un omicidio”, diret di Michael Mann, il prin lavôr american di Spinotti. (A.I.) – 10.01.2024