Cuant che la musiche e jude a passâ i limits

Il circul culturâl Il Mulino a Nordest al presente joibe al 1n di Dicembar, aes 5.30 dopomisdì a Palazzo Torriani, sede di Confindustria Udin, il gnûf libri di Francesca Delogu “Il mio analista è un basso elettrico”. Polistrumentiste e gjornaliste, par vot agns diretore di Cosmopolitan, la udinese Delogu e torne inte citât dulà che e je nassude par presentâ il so prin libri, dialogant cun Gian Paolo Polesini. Il libri al è un saç dedicât ai “imperfets”, cuasi un invît a no cori daûr ae perfezion, ma une esortazion a rompi i schemis e esplorâ ce che no si cognòs, cence pôre di falâ.  Une storie che e scomence propit di Udin e che e spieghe cemût mai propri la musiche e vedi judât la autore a acetâ lis sfidis, a no vê pôre dai propris limits e des propriis insigurecis. (A.I.) – 30.11.2022