Un festival che al è bon di meti dongje arts performativis e visuâls, musiche contemporanie, pratichis fisichis, archivis, teritoris e comunitâts locâi. No dome un calendari di events, ma un viaç traviers di lûcs, ricuarts, lenghis e lis formis “fragjilis” – si che duncje necessariis – di esperience culturâl. Il festival “Ephemera””, produsût de Associazion culturâl Etrarte, e torne pe sô cuinte edizion, cheste volte intitulade “Natura Renovatur”, puartant indevant la sô ricercje su la culture no dome materiâl ma pitost olmis, relazions, memorie vive e pratiche condividude. Il calendari 2026 si vierç vinars ai 8 tal Lûc d’oltràn a Dimpieç cu la mostre “L’om dal sun. Giacinto Scelsi traviers dal archivi di Luciano Martinis.” Domenie ai 10, te glesie di S. Florean a Dordole di Mueç, la fieste e memoree il compositôr Giacinto Scelsi cuntun concert “Jenfri la musiche dal Cosmi e chê de Tiere”. (A.I.) – 07.05.2026
Foto di C. E. Shanta
