Cuant che in Friûl a jerin i cjamps di concentrament

Si intitule “Qui si parla italiano, qui si saluta romanamente…” (ca si fevele talian, ca si salude a la romane) la mostre dedicade ae storie e ae memorie dai cjamps di concentrament fassiscj in Italie (a Gonârs e Visc) e in Cravuazie (Arbe).  Visitabil fin ai 17 di Jugn intal Velari dal Palaç di Toppo Wassemann a Udin, in vie Glemone 92, inmaneade de Universitât di Udin, e à il fin di judâ a mantignî vîfs i ricuarts des discriminazions dai agns ’30 e ’40 dal secul passât in graciis de esposizion di fotografiis e fumets. La mostre e cjape dentri une introduzion storiche sul teme dai cjamps fassiscj e ancje i lavôrs dai partecipants al progjet dilunc di varis laboratoris tematics. (A.I.) – 02.06.2022