Creaturis fantastichis pal festival de piere

Plui di 30 events a son in program pe diesime prime edizion de rassegne “L’Energia dei Luoghi”, La energjie dai lûcs, il festival dal aiar e de piere inmaneât tal comun di Duìn Nabresine. Il festival al esplore la bielece tant che une energjie gjenerative, buine di meti in relazion il paisaç, la materie, la memorie e la vision, midiant di pratichis artistichis che a son in dialic cul teritori. A son in program seminaris di sculture, “land ar”t, itineraris creatîfs e naturâi, spetacui tes gjavis, mostris di art, proiezions, concierts e incuintris leteraris fint a Dicembar. Sabide ai 27, la Galerie di Art “Portopiccolo” a Sistiane e screarà la mostre “Inseguire una chimera”, curade di Massimo Premuda. Le mostre, che e segne il trentesim aniversari de muart di Leonor Fini, e esplore il teme de bielece ideâl, tal sens di un obietîf impussibil di svicinâ. La esposizion e mostrarà une schirie di incisions, litografiis e provis di artist in formât grant des creaturis fantastichis di Leonor Fini, dongje di oparis di flabe di altris autôrs innomenâts. (A.I.) – 26.06.2026