Cors pratics di lenghe e culture furlane cu la Societât Filologjiche

A son viertis lis iscrizions ae gnove edizion dai Cors pratics di lenghe furlane, inmaneâts de Societât Filologjiche Furlane (progjet finanziât de ARLeF – Agjenzie Regjonâl pe Lenghe Furlane). Lis lezions a trataran argoments di grafie, gramatiche e imprescj linguistics informatics. Il cors di Udin – te sede de Societât Filologjiche in vie Manin 18 – al tacarà martars ai 27 di Fevrâr dal 2024 aes 5.30 dopomisdì, al sarà di nivel principiants e al larà indevant par 13 lezions, une volte par setemane. Il docent al sarà Flavio Vidoni. A la fin dal cors ai arlêfs che a varan cjapât part a almancul il 70% des oris di lezion al vignarà consegnât un certificât di frecuence, un titul culturâl par jentrâ te Liste regjonâl dai insegnants cun competencis di lenghe furlane. Il cors al è a gratis e viert a ducj i interessâts, Par informazions e iscrizions, cjalâ in rêt su www.filologicafriulana.it/corsi-pratici-di-lingua-friulana. (A.I.) – 13.02.2024