Cors pratics di lenghe e culture furlane cu la Societât Filologjiche Furlane

da Alessandro Di Giusto

A son viertis lis iscrizions a la edizion 2024 dai Cors pratics di lenghe furlane, inmaneâts de Societât Filologjiche Furlane (progjet finanziât de ARLeF – Agjenzie Regjonâl pe Lenghe Furlane). Lis lezions a trataran argoments di grafie, gramatiche e imprescj linguistics informatics.

Il cors di Udin – te sede de Societât Filologjiche in vie Manin 18 – al tacarà martars ai 27 di Fevrâr dal 2024 aes 5.30 dopomisdì, al sarà di nivel principiants e al larà indevant par 13 lezions, une volte par setemane. Il docent al sarà Flavio Vidoni. A la fin dal cors al vignarà consegnât un certificât di frecuence a chei arlêfs che a varan cjapât part a almancul il 70% des oris di lezion. Il certificât al à titul culturâl par jentrâ te Liste regjonâl dai insegnants cun competencis di lenghe furlane.

Il cors al è a gratis e viert a ducj i interessâts, fin al esauriment dai puescj a disposizion.

Altris cors a son daûr a scomençâ in svariâts Comuns dal Friûl. Par informazions e iscrizions, cjalâ sul sît internet https://www.filologicafriulana.it/corsi-pratici-di-lingua-friulana/ o ben indreçâsi al Ufici Formazion de Filologjiche (tel. 0432 501598 int. 3 formazione@filologicafriulana.it). (a.d.g.) – 22.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui