Concors di art a Vençon: premiâts i miôr “mandala”

Sabide ai 4 a Vençon e je stade screade la mostre des oparis che a àn partecipât ae cuarte edizion dal concors “Mandala dell’anno”, il mandala dal an, inmaneât dal grup culturâl udinês “Mondo Nuovo”, une esplorazion artistiche dal diagram gjeometric de tradizion indiane, che al rapresente l’univiers cul so disvilup dal centri in formis concentrichis, par solit doprât pe meditazion. Il prin premi al è lât a Manuela Galli di Cjassà, il secont a Carla Lostuzzo di Buie e il tierç a Paola Mazzola di Udin. Un premi di merit al à lât ancje al grup dal centri Hattivalab di Udin, a Antonella Oliana di Uydin e Simona Serafini di Tresesin. Il comun di Vençon al à decidût di dâ un premi ancje a Diamante Iacolutti de scuele “Angelo Angeli” di Tarcint. Dutis lis oparis – passe otante chês rivadis non dome de regjon o dal Venit, ma ancje de Lombardie – a restin in mostre fint ai 24 di Otubar tal palaç Orgnani-Martina. (A.I.) – 07.10.2025