Cjase Cavazzini e vierç a un grant fotograf

Sabide ai 27 di Setembar, tal Museu di art moderne e contemporanie “Cjase Cavazzini” a Udin si scree “Guido Guidi. Col tempo”, une retrospetive dedicade a un dai plui grancj fotografs de Italie e a nivel internazionâl. Vierte fint ai 6 di Zenâr dal 2026, la esposizion fate in colaborazion cul MAXXI di Rome e presente la opare di un dai riferiments de fotografie contemporanie. In mostre, lis fotos dai agns 1956-2024 di un artist che al à simpri vût un voli poetic e rigorôs te sô interpretazion personâl dal paisaç, de vite di ogni dì e de architeture. Un apontament che al è ancje une conferme di une strade cjapade dai Museus civics di Udin, che dome tal ultin an a àn dât spazi a grancj fotografs tant che Gianni Berengo Gardin e Mimmo Jodice, ancjemò visibil tes salis dal Cjistiel fint ai 4 di Novembar cun 140 fotos fatis tai ultins 60 agns. (A.I.) – 25.09.2025